2015 جىلعى 30 ناۋرىز, استانا قالاسى
ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگانداردىڭ بولىمشەلەرى تۋرالى ۇلگى ەرەجەنى بەكىتۋ تۋرالى
«ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسىنىڭ زاڭى 8-بابىنىڭ 37) تارماقشاسىنا سايكەس بۇيىرامىن:
1. قوسا بەرىلىپ وتىرعان ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگانداردىڭ بولىمشەلەرى تۋرالى ۇلگى ەرەجە بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى اۋىل شارۋاشىلىعى ءمينيسترى ا. مامىتبەكوۆ
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا
ءمينيسترى _______________ ە. دوساەۆ
2015 جىلعى 18 ماۋسىم
قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 30 ناۋرىزداعى № 7-1/273 بۇيرىعىمەن بەكىتىلگەن
ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگانداردىڭ
بولىمشەلەرى تۋرالى ۇلگى ەرەجە
1. جالپى ەرەجەلەر
1. وسى ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگانداردىڭ بولىمشەلەرى تۋرالى ۇلگى ەرەجە (بۇدان ءارى – ەرەجە) «ۆەتەريناريا تۋرالى» قازاقستان رەسپۋبليكاسىنىڭ 2002 جىلعى 10 شىلدەدەگى زاڭىنا (بۇدان ءارى – زاڭ) سايكەس ازىرلەندى جانە ۆەتەريناريا سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگاندار بولىمشەلەرىنىڭ مىندەتتەرىن, فۋنكتسيالارىن, وكىلەتتىكتەرىن جانە ءوزارا ءىس-قيمىل جاساۋ ءتارتىبىن ايقىندايدى.
2. ۆەتەريناريا سالاسىنداعى قىزمەتتى جۇزەگە اسىراتىن وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ, جەرگىلىكتى اتقارۋشى ورگاندارىنىڭ بولىمشەلەرى (بۇدان ءارى – جاو بولىمشەلەرى) ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, زاڭىن, قازاقستان رەسپۋبليكاسىنىڭ ۆەتەريناريا سالاسىنداعى وزگە دە نورماتيۆتىك قۇقىقتىق اكتىلەرىن, سونداي-اق وسى ەرەجەنى باسشىلىققا الادى.
3. جاو بولىمشەلەرى زاڭنىڭ 9-بابى 2-تارماعىنا سايكەس دەربەس بولىمشەلەر نىسانىندا قۇرىلادى.
جاو بولىمشەسىنىڭ باسشىسى باس مەملەكەتتىك ۆەتەريناريالىق دارىگەر بولىپ تابىلادى, ال وزگە لاۋازىمدى تۇلعالار مەملەكەتتىك ۆەتەريناريالىق دارىگەرلەر بولىپ تابىلادى.
4. جاو بولىمشەلەرى ۆەتەريناريا سالاسىنداعى قىزمەتتى جۇزەگە اسىراتىن مەملەكەتتىك ورگانداردىڭ بولىمشەلەرىن ۇستاۋعا جەرگىلىكتى بيۋدجەتتەر قاراجاتى ەسەبىنەن قارجىلاندىرىلادى.
5. جاو بولىمشەلەرىنىڭ قۇرىلىمىن, شتات سانىن شتات سانىنىڭ بەلگىلەنگەن ءليميتى شەگىندە ءتيىستى اكىمشىلىك-اۋماقتىق بىرلىكتىڭ جەرگىلىكتى اتقارۋشى ورگاندارى بەكىتەدى.
جاو بولىمشەلەرى قىزمەتكەرلەرىنىڭ لاۋازىمدىق وكىلەتتىكتەرى قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىندا انىقتالعان جاو بولىمشەلەرىنىڭ مىندەتتەرى مەن فۋنكتسيالارى نەگىزىندە بەلگىلەنەدى.
6. جاو بولىمشەلەرىنىڭ ءوزىنىڭ اتاۋى جازىلعان دوڭگەلەك ءمورى جانە ءمورتابانى بار.
7. جاو بولىمشەلەرى قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىندا بەلگىلەنگەن تارتىپپەن ۆەتەريناريالىق ەسەپكە الۋدى جانە ەسەپتىلىكتى جۇرگىزەدى جانە ولاردى ۇسىنادى.
2. نەگىزگى مىندەتتەرى
8. جاو بولىمشەلەرىنىڭ نەگىزگى مىندەتتەرى:
1) حالىقتىڭ دەنساۋلىعىن ادام مەن جانۋارلارعا ورتاق اۋرۋلاردان قورعاۋ;
2) جانۋارلاردى اۋرۋلاردان قورعاۋ جانە ولاردى ەمدەۋ;
3) ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ;
4) ءتيىستى اكىمشىلىك-اۋماقتىق بىرلىكتىڭ اۋماعىن باسقا مەملەكەتتەردەن جۇقپالى جانە ەكزوتيكالىق اۋرۋلاردىڭ اكەلىنۋى مەن تارالۋىنان قورعاۋ;
5) جەكە جانە زاڭدى تۇلعالار ۆەتەريناريا سالاسىنداعى قىزمەتتى جۇزەگە اسىرعان كەزىندە قورشاعان ورتانى لاستاۋدىڭ الدىن-الۋ جانە ونى جويۋ.
3. نەگىزگى قىزمەتتەرى
9. وبلىستاردىڭ جەرگىلىكتى اتقارۋشى ورگاندارىنىڭ بولىمشەلەرى مىناداي فۋنكتسيالاردى جۇزەگە اسىرادى:
1) دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگانمەن بىرلەسە وتىرىپ, حالىق دەنساۋلىعىن جانۋارلار مەن ادامعا ورتاق اۋرۋلاردان قورعاۋدى ۇيىمداستىرۋ جانە ءوزارا اقپارات الماسۋدى جۇزەگە اسىرۋ;
2) وبلىستىڭ اۋماعىندا ورنالاسقان ەكى جانە ودان كوپ اۋداندا جانۋارلاردىڭ جۇقپالى اۋرۋلارى پايدا بولعان جاعدايدا, ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنۋى بويىنشا كارانتيندى نەمەسە شەكتەۋ iس-شارالارىن بەلگىلەۋ تۋرالى شەشىمنىڭ جوباسىن ازىرلەۋ;
3) وسى وبلىستىڭ اۋماعىندا ورنالاسقان ەكى جانە ودان كوپ اۋداندا پايدا بولعان جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندە ۆەتەريناريالىق ءىس-شارالار كەشەنى جۇرگىزىلگەننەن كەيىن ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنۋى بويىنشا شەكتەۋ ءىس-شارالارىن نەمەسە كارانتيندى توقتاتۋ تۋرالى شەشىمنىڭ جوباسىن ازىرلەۋ;
4) ۆەتەريناريا سالاسىنداعى ۋاكىلەتتى ورگان بەلگىلەگەن تارتىپپەن اۋماقتى ايماقتارعا ءبولۋ تۋرالى شەشىم شىعارۋ;
5) ۆەتەريناريا سالاسىنداعى مەملەكەتتىك ساياساتتى ىسكە اسىرۋ;
6) قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىنا سايكەس جانۋارلاردان الىناتىن ءونىم مەن شيكىزاتقا ۆەتەريناريالىق-سانيتاريالىق ساراپتامانى ليتسەنزيالاۋ ءۇشىن قۇجاتتاردى ازىرلەۋ;
7) ۆەتەريناريا سالاسىنداعى ۋاكىلەتتى ورگانمەن كەلىسىم بويىنشا ءتيىستى اكىمشىلىك-اۋماقتىق بىرلىكتىڭ اۋماعىندا ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جونىندەگى ۆەتەريناريالىق ءىس-شارالار جوسپارىن ازىرلەۋ;
8) ءتيىستى اكىمشىلىك-اۋماقتىق بىرلىكتىڭ اۋماعىندا ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جونىندەگى ۆەتەريناريالىق ءىس-شارالار وتكىزۋدى ۇيىمداستىرۋ;
9) ۆەتەريناريالىق پرەپاراتتاردىڭ رەسپۋبليكالىق قورىن قوسپاعاندا, جانۋارلاردىڭ اسا قاۋىپتى اۋرۋلارىنىڭ پروفيلاكتيكاسىنا ارنالعان ۆەتەريناريالىق پرەپاراتتاردى ساقتاۋدى, ولاردى اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارىنا تاسىمالداۋدى (جەتكىزۋدى) ۇيىمداستىرۋ;
10) اۋىل شارۋاشىلىعى جانۋارلارىن بىردەيلەندىرۋدى جۇرگىزۋگە ارنالعان بۇيىمداردى (قۇرالداردى) جانە اتريبۋتتاردى تاسىمالداۋ (جەتكىزۋ), ۆەتەريناريالىق پاسپورتتى دايىنداۋ جونىندە كورسەتىلەتىن قىزمەتتەردى مەملەكەتتىك ساتىپ الۋدى جۇزەگە اسىرۋ;
11) اۋىل شارۋاشىلىعى جانۋارلارىن بىردەيلەندىرۋدى جۇرگىزۋگە ارنالعان بۇيىمدارعا (قۇرالدارعا) جانە اتريبۋتتارعا قاجەتتىلىكتى ايقىنداۋ جانە پروتسەسسينگتىك ورتالىققا اقپارات بەرۋ;
12) اۋىل شارۋاشىلىعى جانۋارلارىن بىردەيلەندىرۋ جونىندەگى دەرەكقوردىڭ جۇرگىزىلۋىن ۇيىمداستىرۋ;
13) جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمدارعا ەسەپتىك نومىرلەر بەرۋ;
14) ءتيىستى اكىمشىلىك-اۋماقتىق بىرلىك شەگىندە جەكە جانە زاڭدى تۇلعالاردىڭ قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن ساقتاۋىنا مەملەكەتتىك ۆەتەريناريالىق-سانيتاريالىق باقىلاۋ مەن قاداعالاۋدى ۇيىمداستىرۋ جانە جۇزەگە اسىرۋ;
15) ەپيزووتيا وشاقتارى پايدا بولعان جاعدايدا ولاردى زەرتتەپ-قاراۋدى جۇرگىزۋ;
16) ءتيىستى اكىمشىلىك-اۋماقتىق بىرلىك شەگىندە قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن تەحنيكالىق رەگلامەنتتەردە بەلگىلەنگەن تالاپتاردىڭ ورىندالۋىن مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى ۇيىمداستىرۋ جانە جۇزەگە اسىرۋ;
17) ەپيزووتولوگيالىق زەرتتەپ-قاراۋ اكتىسىن بەرۋ;
18) قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىنىڭ ساقتالۋى تۇرعىسىنان مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى:
ىشكى ساۋدا وبەكتىلەرىندە;
جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ساقتاۋ جانە وتكىزۋ جونىندەگى ۇيىمداردا (يمپورتپەن جانە ەكسپورتپەن بايلانىستىلاردى قوسپاعاندا);
ۆەتەريناريالىق پرەپاراتتار ءوندىرۋدى قوسپاعاندا, ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن تۇلعالاردا;
ەكسپورتىن (يمپورتىن) جانە ءترانزيتىن قوسپاعاندا, ءتيىستى اكىمشىلىك-اۋماقتىق بىرلىك شەگىندە ورنى اۋىستىرىلاتىن (تاسىمالداناتىن) وبەكتىلەردى تاسىمالداۋ (ورنىن اۋىستىرۋ), تيەۋ, ءتۇسىرۋ كەزىندە;
ەكسپورتتى (يمپورتتى) جانە ءترانزيتتى قوسپاعاندا, جانۋارلار اۋرۋلارىنىڭ قوزدىرۋشىلارىن تاراتاتىن فاكتورلار بولۋى مۇمكىن كولىك قۇرالدارىنىڭ بارلىق تۇرلەرىندە, ىدىستىڭ, بۋىپ-ءتۇيۋ ماتەريالدارىنىڭ بارلىق تۇرلەرى بويىنشا;
تاسىمالداۋ (ورنىن اۋىستىرۋ) مارشرۋتتارى وتەتىن, مال ايدالاتىن جولداردا, مارشرۋتتاردا, مال جايىلىمدارى مەن سۋاتتاردىڭ اۋماقتارىندا;
ەكسپورتتى (يمپورتتى) جانە ءترانزيتتى قوسپاعاندا, ورنى اۋىستىرىلاتىن (تاسىمالداناتىن) وبەكتىلەردى وسىرەتىن, ساقتايتىن, قايتا وڭدەيتىن, وتكىزەتىن نەمەسە پايدالاناتىن جەكە جانە زاڭدى تۇلعالاردىڭ اۋماقتارىندا, وندىرىستىك ءۇي-جايلارىندا جانە قىزمەتىنە جۇزەگە اسىرۋ;
19) مال قورىمدارىن (بيوتەرميالىق شۇڭقىرلاردى), ورنى اۋىستىرىلاتىن (تاسىمالداناتىن) وبەكتىلەردى كۇتىپ-ۇستاۋعا, وسىرۋگە, پايدالانۋعا, وندىرۋگە, دايىنداۋعا (سويۋعا), ساقتاۋعا, قايتا وڭدەۋ مەن وتكىزۋگە بايلانىستى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىن ورنالاستىرۋ, سالۋ, رەكونسترۋكتسيالاۋ جانە پايدالانۋعا بەرۋ كەزىندە, سونداي-اق ولاردى تاسىمالداۋ (ورنىن اۋىستىرۋ) كەزىندە زووگيگيەنالىق جانە ۆەتەريناريالىق (ۆەتەريناريالىق-سانيتاريالىق) تالاپتاردىڭ ساقتالۋىنا مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ;
20) جەكە جانە زاڭدى تۇلعالارعا قاتىستى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ اكتىسىن جاساۋ;
21) ۆەتەريناريالىق ەسەپكە الۋ مەن ەسەپتىلىكتى جيناقتاۋ, تالداۋ جانە ولاردى ۋاكىلەتتى ورگانعا ۇسىنۋ;
22) جانۋارلاردىڭ ەنزووتيالىق اۋرۋلارىنىڭ پروفيلاكتيكاسى مەن دياگنوستيكاسىنا ارنالعان ۆەتەريناريالىق پرەپاراتتاردى, ولاردىڭ پروفيلاكتيكاسى مەن دياگنوستيكاسى جونىندەگى قىزمەتتەردى مەملەكەتتىك ساتىپ الۋدى جۇزەگە اسىرۋ, ولاردى ساقتاۋدى جانە اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارىنا تاسىمالداۋدى (جەتكىزۋدى) ۇيىمداستىرۋ;
23) ۋاكىلەتتى ورگان بەكىتكەن تىزبە بويىنشا جانۋارلاردىڭ اسا قاۋىپتى اۋرۋلارىنىڭ, سونداي-اق جانۋارلاردىڭ ەنزووتيالىق جانە باسقا دا اۋرۋلارىنىڭ پروفيلاكتيكاسى, بيولوگيالىق ماتەريال سىنامالارىن الۋ جانە ولاردى دياگنوستيكالاۋ ءۇشىن جەتكىزۋ بويىنشا ۆەتەريناريالىق ءىس-شارالاردىڭ ورىندالۋىن قامتاماسىز ەتۋ;
24) ۆەتەريناريا ماسەلەلەرى بويىنشا حالىقتىڭ اراسىندا اعارتۋ جۇمىستارىن ۇيىمداستىرۋ جانە جۇرگىزۋ;
25) ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن جەكە جانە زاڭدى تۇلعالاردى اتتەستاتتاۋدى جۇرگىزۋدى قامتاماسىز ەتۋ;
26) اۋىل شارۋاشىلىعى جانۋارلارىن بىردەيلەندىرۋ جونiندەگى ءىس-شارالار جۇرگىزۋدى ۇيىمداستىرۋ;
27) جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىن, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمداردى پايدالانۋعا قابىلدايتىن مەملەكەتتىك كوميسسيالارعا قاتىسۋ;
28) پروفيلاكتيكاسى مەن دياگنوستيكاسى بيۋدجەت قاراجاتى ەسەبىنەن جۇزەگە اسىرىلاتىن جانۋارلاردىڭ ەنزووتيالىق اۋرۋلارىنىڭ تىزبەسىن ازىرلەۋ.
10. رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ بولىمشەلەرى مىناداي فۋنكتسيالاردى جۇزەگە اسىرادى:
1) دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگانمەن بىرلەسىپ, حالىق دەنساۋلىعىن جانۋارلار مەن ادامعا ورتاق اۋرۋلاردان قورعاۋدى ۇيىمداستىرۋ جانە ءوزارا اقپارات الماسۋدى جۇزەگە اسىرۋ;
2) ۆەتەريناريا سالاسىنداعى مەملەكەتتىك ساياساتتى ىسكە اسىرۋ;
3) رەسپۋبليكالىق ماڭىزى بار قالانىڭ, استانانىڭ اۋماعىندا جانۋارلاردىڭ جۇقپالى اۋرۋلارى پايدا بولعان جاعدايدا, باس مەملەكەتتىك ۆەتەريناريالىق-سانيتاريالىق ينسپەكتوردىڭ ۇسىنۋى بويىنشا كارانتيندى نەمەسە شەكتەۋ iس-شارالارىن بەلگىلەۋ تۋرالى شەشىمنىڭ جوباسىن ازىرلەۋ;
4) رەسپۋبليكالىق ماڭىزى بار قالانىڭ, استانانىڭ اۋماعىندا پايدا بولعان جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنى جۇرگىزىلگەننەن كەيىن باس مەملەكەتتىك ۆەتەريناريالىق-سانيتاريالىق ينسپەكتوردىڭ ۇسىنۋى بويىنشا شەكتەۋ ءىس-شارالارىن نەمەسە كارانتيندى الىپ تاستاۋ تۋرالى شەشىمنىڭ جوباسىن ازىرلەۋ;
5) قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىنا سايكەس جانۋارلاردان الىناتىن ءونىم مەن شيكىزاتقا ۆەتەريناريالىق-سانيتاريالىق ساراپتامانى ليتسەنزيالاۋ ءۇشىن قۇجاتتاردى ازىرلەۋ;
6) ۆەتەريناريا سالاسىنداعى ۋاكىلەتتى ورگان بەلگىلەگەن تارتىپپەن اۋماقتى ايماقتارعا ءبولۋ تۋرالى شەشىم شىعارۋ;
7) «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا سايكەس جەكە جانە زاڭدى تۇلعالاردان ۆەتەريناريا سالاسىنداعى كاسىپكەرلىك قىزمەتتى جۇزەگە اسىرۋدىڭ باستالعانى نەمەسە توقتاتىلعانى تۋرالى حابارلامالار قابىلداۋ, سونداي-اق رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ;
8) ۆەتەريناريا سالاسىنداعى ۋاكىلەتتى ورگانمەن كەلىسىم بويىنشا ءتيىستى اكىمشىلىك-اۋماقتىق بىرلىكتىڭ اۋماعىندا ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جونىندەگى ۆەتەريناريالىق ءىس-شارالار جوسپارىن ازىرلەۋ;
9) ءتيىستى اكىمشىلىك-اۋماقتىق بىرلىكتىڭ اۋماعىندا ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جونىندەگى ۆەتەريناريالىق ءىس-شارالار جۇرگىزۋدى ۇيىمداستىرۋ;
10) ۆەتەريناريالىق پرەپاراتتاردىڭ رەسپۋبليكالىق قورىن قوسپاعاندا, جانۋارلاردىڭ اسا قاۋىپتى اۋرۋلارىنىڭ پروفيلاكتيكاسى بويىنشا ۆەتەريناريالىق پرەپاراتتاردى ساقتاۋدى, تاسىمالداۋدى (جەتكىزۋدى) ۇيىمداستىرۋ;
11) اۋىل شارۋاشىلىعى جانۋارلارىن بىردەيلەندىرۋدى جۇرگىزۋگە ارنالعان بۇيىمداردى (قۇرالداردى) جانە اتريبۋتتاردى تاسىمالداۋ (جەتكىزۋ), ۆەتەريناريالىق پاسپورتتى دايىنداۋ جونىندە كورسەتىلەتىن قىزمەتتەردى مەملەكەتتىك ساتىپ الۋدى جۇزەگە اسىرۋ;
12) اۋىل شارۋاشىلىعى جانۋارلارىن بىردەيلەندىرۋ جونىندەگى دەرەكقوردىڭ جۇرگىزىلۋىن ۇيىمداستىرۋ;
13) جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمدارعا ەسەپتىك نومىرلەر بەرۋ;
14) مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىنە ۆەتەريناريالىق-سانيتاريالىق قورىتىندى بەرۋگە قۇقىعى بار مەملەكەتتىك ۆەتەريناريالىق دارىگەرلەر ءتىزىمىن انىقتاۋ;
15) ءتيىستى اكىمشىلىك-اۋماقتىق بىرلىك شەگىندە جەكە جانە زاڭدى تۇلعالاردىڭ قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن ساقتاۋىن مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى ۇيىمداستىرۋ جانە جۇزەگە اسىرۋ;
16) ەپيزووتيا وشاقتارى پايدا بولعان جاعدايدا ولاردى زەرتتەپ-قاراۋدى جۇرگىزۋ;
17) ءتيىستى اكىمشىلىك-اۋماقتىڭ بىرلىك شەگىندە قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن تەحنيكالىق رەگلامەنتتەردە بەلگىلەنگەن تالاپتاردىڭ ورىندالۋىن مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى ۇيىمداستىرۋ جانە جۇزەگە اسىرۋ;
18) ەپيزووتولوگيالىق زەرتتەپ-قاراۋ اكتىسىن بەرۋ;
19) قازاقستان رەسپۋبليكاسىنىڭ ۆەتەريناريا سالاسىنداعى زاڭناماسى تالاپتارىنىڭ ساقتالۋى تۇرعىسىنان مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى:
ىشكى ساۋدا وبەكتىلەرىندە;
جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ساقتاۋ جانە وتكىزۋ جونىندەگى ۇيىمداردا (يمپورتپەن جانە ەكسپورتپەن بايلانىستىلاردى قوسپاعاندا);
ۆەتەريناريالىق پرەپاراتتار ءوندىرۋدى قوسپاعاندا, ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن تۇلعالاردا;
ەكسپورتىن (يمپورتىن) جانە ءترانزيتىن قوسپاعاندا, ءتيىستى اكىمشىلىك-اۋماقتىق بىرلىك شەگىندە ورنى اۋىستىرىلاتىن (تاسىمالداناتىن) وبەكتىلەردى تاسىمالداۋ (ورنىن اۋىستىرۋ), تيەۋ, ءتۇسىرۋ كەزىندە;
ەكسپورتتى (يمپورتتى) جانە ءترانزيتتى قوسپاعاندا, جانۋارلار اۋرۋلارىنىڭ قوزدىرۋشىلارىن تاراتاتىن فاكتورلار بولۋى مۇمكىن كولىك قۇرالدارىنىڭ بارلىق تۇرلەرىندە, ىدىستىڭ, بۋىپ-ءتۇيۋ ماتەريالدارىنىڭ بارلىق تۇرلەرى بويىنشا;
تاسىمالداۋ (ورنىن اۋىستىرۋ) مارشرۋتتارى وتەتىن, مال ايدالاتىن جولداردا, مارشرۋتتاردا, مال جايىلىمدارى مەن سۋاتتاردىڭ اۋماقتارىندا;
ەكسپورتتى (يمپورتتى) جانە ءترانزيتتى قوسپاعاندا, ورنى اۋىستىرىلاتىن (تاسىمالداناتىن) وبەكتىلەردى وسىرەتىن, ساقتايتىن, قايتا وڭدەيتىن, وتكىزەتىن نەمەسە پايدالاناتىن جەكە جانە زاڭدى تۇلعالاردىڭ اۋماقتارىندا, وندىرىستىك ءۇي-جايلارىندا جانە قىزمەتىنە جۇزەگە اسىرۋ;
20) مال قورىمدارىن (بيوتەرميالىق شۇڭقىرلاردى), ورنى اۋىستىرىلاتىن (تاسىمالداناتىن) وبەكتىلەردى كۇتىپ-ۇستاۋعا, وسىرۋگە, پايدالانۋعا, وندىرۋگە, دايىنداۋعا (سويۋعا), ساقتاۋعا, قايتا وڭدەۋ مەن وتكىزۋگە بايلانىستى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىن ورنالاستىرۋ, سالۋ, رەكونسترۋكتسيالاۋ جانە پايدالانۋعا بەرۋ كەزىندە, سونداي-اق ولاردى تاسىمالداۋ (ورنىن اۋىستىرۋ) كەزىندە زووگيگيەنالىق جانە ۆەتەريناريالىق (ۆەتەريناريالىق-سانيتاريالىق) تالاپتاردىڭ ساقتالۋىنا مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ;
21) جەكە جانە زاڭدى تۇلعالارعا قاتىستى ورىندالۋى مىندەتتى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ اكتىسىن جاساۋ;
22) ۆەتەريناريالىق ەسەپكە الۋ مەن ەسەپتiلiكتi جيناقتاۋ, تالداۋ جانە ولاردى ۋاكiلەتتi ورگانعا ۇسىنۋ;
23) جانۋارلاردىڭ ەنزووتيالىق اۋرۋلارىنىڭ پروفيلاكتيكاسى جانە دياگنوستيكاسى بويىنشا ۆەتەريناريالىق پرەپاراتتاردى مەملەكەتتىك ساتىپ الۋدى جۇزەگە اسىرۋ;
24) ۆەتەريناريالىق پرەپاراتتاردى ساقتاۋدى جانە تاسىمالداۋدى (جەتكىزۋدى) جۇزەگە اسىرۋ, جانۋارلاردىڭ ەنزووتيالىق اۋرۋلارىنىڭ پروفيلاكتيكاسى مەن دياگنوستيكاسى جونىندە ۆەتەريناريالىق ءىس-شارالار جۇرگىزۋ;
25) ۆەتەريناريا سالاسىنداعى ۋاكىلەتتى ورگان بەكىتكەن تىزبە بويىنشا جانۋارلاردىڭ اسا قاۋىپتى اۋرۋلارىنىڭ, سونداي-اق جانۋارلاردىڭ ەنزووتيالىق جانە باسقا دا اۋرۋلارىنىڭ پروفيلاكتيكاسى, بيولوگيالىق ماتەريال سىنامالارىن الۋ جانە ولاردى دياگنوستيكالاۋ ءۇشىن جەتكىزۋ بويىنشا ۆەتەريناريالىق ءىس-شارالاردىڭ ورىندالۋىن قامتاماسىز ەتۋ;
26) ۆەتەريناريا ماسەلەلەرى بويىنشا حالىق اراسىندا اعارتۋ جۇمىسىن ۇيىمداستىرۋ جانە جۇرگىزۋ;
27) اۋىل شارۋاشىلىعى جانۋارلارىن بىردەيلەندىرۋدى جۇرگىزۋگە ارنالعان بۇيىمدارعا (قۇرالدارعا) جانە اتريبۋتتارعا قاجەتتىلىكتى ايقىنداۋ جانە پروتسەسسينگتىك ورتالىققا اقپارات بەرۋ;
28) ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن جەكە جانە زاڭدى تۇلعالاردى اتتەستاتتاۋدى جۇرگىزۋدى قامتاماسىز ەتۋ;
29) اۋىل شارۋاشىلىعى جانۋارلارىن بىردەيلەندىرۋ جونىندەگى ءىس-شارالار جۇرگىزۋدى ۇيىمداستىرۋ;
30) قاڭعىباس يتتەر مەن مىسىقتاردى اۋلاۋدى جانە جويۋدى ۇيىمداستىرۋ;
31) ۆەتەريناريالىق (ۆەتەريناريالىق-سانيتاريالىق) تالاپتارعا سايكەس مال قورىمىن (بيوتەرميالىق شۇڭقىرلاردى) سالۋدى ۇيىمداستىرۋ جانە ولاردى كۇتىپ-ۇستاۋدى قامتاماسىز ەتۋ;
32) رەسپۋبليكالىق ماڭىزى بار قالالاردىڭ, استانانىڭ جەرگىلىكتى وكىلدى ورگانىنا بەكىتۋ ءۇشىن جانۋارلاردى اسىراۋ قاعيدالارىن, يتتەر مەن مىسىقتاردى اسىراۋ جانە سەرۋەندەتۋ قاعيدالارىن, قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن, جانۋارلاردى اسىراۋدىڭ سانيتاريالىق ايماقتارىنىڭ شەكارالارىن بەلگىلەۋ جونىندە ۇسىنىستار ەنگىزۋ;
33) مۇددەلى تۇلعالارعا وتكىزىلىپ جاتقان ۆەتەريناريالىق ءىس-شارالار تۋرالى اقپارات بەرۋدى ۇيىمداستىرۋ جانە قامتاماسىز ەتۋ;
34) جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (مالدى سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىن, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمداردى پايدالانۋعا قابىلداۋ جونىندەگى مەملەكەتتىك كوميسسيالاردى ۇيىمداستىرۋ;
35) جانۋارلاردىڭ ساۋلىعى مەن ادامنىڭ دەنساۋلىعىنا قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتى الىپ قويماي زالالسىزداندىرۋ (زارارسىزداندىرۋ) جانە قايتا وڭدەۋ;
36) جانۋارلاردىڭ ساۋلىعى مەن ادامنىڭ دەنساۋلىعىنا قاۋىپ توندىرەتىن, الىپ قويماي زالالسىزداندىرىلعان (زارارسىزداندىرىلعان) جانە قايتا وڭدەلگەن جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ قۇنىن يەلەرىنە وتەۋ;
37) جانۋارلار ءوسiرۋدi, جانۋارلاردى, جانۋارلاردان الىناتىن ونiمدەر مەن شيكiزاتتى دايىنداۋدى (سويۋدى), ساقتاۋدى, قايتا وڭدەۋدi جانە وتكiزۋدi جۇزەگە اسىراتىن ءوندiرiس وبەكتiلەرiن, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندiرۋ, ساقتاۋ جانە وتكiزۋ جونiندەگi ۇيىمداردى پايدالانۋعا قابىلدايتىن مەملەكەتتiك كوميسسيالارعا قاتىسۋ;
38) پروفيلاكتيكاسى مەن دياگنوستيكاسى بيۋدجەت قاراجاتى ەسەبiنەن جۇزەگە اسىرىلاتىن جانۋارلاردىڭ ەنزووتيالىق اۋرۋلارىنىڭ تiزبەسiن ازىرلەۋ;
39) اۋرۋ مالداردى سانيتاريالىق سويۋدى ۇيىمداستىرۋ.
11. اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگاندارىنىڭ بولىمشەلەرى مىناداي فۋنكتسيالاردى جۇزەگە اسىرادى:
1) وبلىستىڭ جەرگiلiكتi وكiلدi ورگانىنا بەكiتۋ ءۇشىن جانۋارلاردى اسىراۋ قاعيدالارىن, يتتەر مەن مىسىقتاردى اسىراۋ جانە سەرۋەندەتۋ قاعيدالارىن, قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن, جانۋارلاردى اسىراۋدىڭ سانيتاريالىق ايماقتارىنىڭ شەكارالارىن بەلگiلەۋ جونiندە ۇسىنىستار ەنگىزۋ;
2) قاڭعىباس يتتەر مەن مىسىقتاردى اۋلاۋدى جانە جويۋدى ۇيىمداستىرۋ;
3) ۆەتەريناريالىق (ۆەتەريناريالىق-سانيتاريالىق) تالاپتارعا سايكەس مال قورىمىن (بيوتەرميالىق شۇڭقىرلاردى) سالۋدى ۇيىمداستىرۋ جانە ولاردى كۇتىپ-ۇستاۋدى قامتاماسىز ەتۋ;
4) مۇددەلى تۇلعالارعا وتكىزىلىپ جاتقان ۆەتەريناريالىق ءىس-شارالار تۋرالى اقپارات بەرۋدى ۇيىمداستىرۋ جانە قامتاماسىز ەتۋ;
5) ۆەتەريناريا ماسەلەلەرى بويىنشا حالىقتىڭ اراسىندا اعارتۋ جۇمىستارىن ۇيىمداستىرۋ جانە جۇرگىزۋ;
6) جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىن, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ءوندىرۋ, ساقتاۋ جانە وتكىزۋ جونىندەگى ۇيىمداردى پايدالانۋعا قابىلدايتىن مەملەكەتتىك كوميسسيالاردى ۇيىمداستىرۋ;
7) جانۋارلاردىڭ ساۋلىعى مەن ادامنىڭ دەنساۋلىعىنا قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتى الىپ قويماي زالالسىزداندىرۋ (زارارسىزداندىرۋ) جانە قايتا وڭدەۋ;
8) جانۋارلاردىڭ ساۋلىعى مەن ادامنىڭ دەنساۋلىعىنا قاۋىپ توندىرەتىن, الىپ قويماي زالالسىزداندىرىلعان (زارارسىزداندىرىلعان) جانە قايتا وڭدەلگەن جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ قۇنىن يەلەرىنە وتەۋ;
9) اۋداننىڭ (وبلىستىق ماڭىزى بار قالانىڭ) اۋماعىندا جانۋارلاردىڭ جۇقپالى اۋرۋلارى پايدا بولعان جاعدايدا, ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنۋى بويىنشا كارانتيندى نەمەسە شەكتەۋ iس-شارالارىن بەلگىلەۋ تۋرالى شەشىمنىڭ جوباسىن ازىرلەۋ;
10) اۋداننىڭ (وبلىستىق ماڭىزى بار قالانىڭ) اۋماعىندا جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنى جۇرگىزىلگەننەن كەيىن ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنۋى بويىنشا شەكتەۋ ءىس-شارالارىن نەمەسە كارانتيندى توقتاتۋ تۋرالى شەشىمنىڭ جوباسىن ازىرلەۋ;
11) مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىنە ۆەتەريناريالىق-سانيتاريالىق قورىتىندى بەرۋگە قۇقىعى بار مەملەكەتتىك ۆەتەريناريالىق دارىگەرلەر ءتىزىمىن بەكىتۋ;
12) ءتيىستى اكىمشىلىك-اۋماقتىق بىرلىك شەگىندە جەكە جانە زاڭدى تۇلعالاردىڭ قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن ساقتاۋىن مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى ۇيىمداستىرۋ جانە جۇزەگە اسىرۋ;
13) ەپيزووتيا وشاقتارى پايدا بولعان جاعدايدا ولاردى زەرتتەپ-قاراۋدى جۇرگىزۋ;
14) ەپيزووتولوگيالىق زەرتتەپ-قاراۋ اكتىسىن بەرۋ;
15) قازاقستان رەسپۋبليكاسىنىڭ ۆەتەريناريا سالاسىنداعى زاڭناماسى تالاپتارىنىڭ ساقتالۋى تۇرعىسىنان مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى:
ىشكى ساۋدا وبەكتىلەرىندە;
جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە, سونداي-اق ۆەتەريناريالىق پرەپاراتتاردى, جەمشوپ پەن جەمشوپ قوسپالارىن ساقتاۋ جانە وتكىزۋ جونىندەگى ۇيىمداردا (يمپورتپەن جانە ەكسپورتپەن بايلانىستىلاردى قوسپاعاندا);
ۆەتەريناريالىق پرەپاراتتار ءوندىرۋدى قوسپاعاندا, ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن ادامداردا;
ەكسپورتىن (يمپورتىن) جانە ءترانزيتىن قوسپاعاندا, ءتيىستى اكىمشىلىك-اۋماقتىق بىرلىك شەگىندە ورنى اۋىستىرىلاتىن (تاسىمالداناتىن) وبەكتىلەردى تاسىمالداۋ (ورنىن اۋىستىرۋ), تيەۋ, ءتۇسىرۋ كەزىندە;
ەكسپورتتى (يمپورتتى) جانە ءترانزيتتى قوسپاعاندا, جانۋارلار اۋرۋلارىنىڭ قوزدىرۋشىلارىن تاراتاتىن فاكتورلار بولۋى مۇمكىن كولىك قۇرالدارىنىڭ بارلىق تۇرلەرىندە, ىدىستىڭ, بۋىپ-ءتۇيۋ ماتەريالدارىنىڭ بارلىق تۇرلەرى بويىنشا;
تاسىمالداۋ (ورنىن اۋىستىرۋ) مارشرۋتتارى وتەتىن, مال ايدالاتىن جولداردا, مارشرۋتتاردا, مال جايىلىمدارى مەن سۋاتتاردىڭ اۋماقتارىندا;
ەكسپورتتى (يمپورتتى) جانە ءترانزيتتى قوسپاعاندا, ورنى اۋىستىرىلاتىن (تاسىمالداناتىن) وبەكتىلەردى وسىرەتىن, ساقتايتىن, وڭدەيتىن, وتكىزەتىن نەمەسە پايدالاناتىن جەكە جانە زاڭدى تۇلعالاردىڭ اۋماقتارىندا, وندىرىستىك ءۇي-جايلارىندا جانە قىزمەتىنە جۇزەگە اسىرۋ;
16) مال قورىمدارىن (بيوتەرميالىق شۇڭقىرلاردى), ورنى اۋىستىرىلاتىن (تاسىمالداناتىن) وبەكتىلەردى كۇتىپ-ۇستاۋعا, وسىرۋگە, پايدالانۋعا, وندىرۋگە, دايىنداۋعا (سويۋعا), ساقتاۋعا, قايتا وڭدەۋ مەن وتكىزۋگە بايلانىستى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ وبەكتىلەرىن ورنالاستىرۋ, سالۋ, رەكونسترۋكتسيالاۋ جانە پايدالانۋعا بەرۋ كەزىندە, سونداي-اق ولاردى تاسىمالداۋ (ورنىن اۋىستىرۋ) كەزىندە زووگيگيەنالىق جانە ۆەتەريناريالىق (ۆەتەريناريالىق-سانيتاريالىق) تالاپتاردىڭ ساقتالۋىنا مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ;
17) جەكە جانە زاڭدى تۇلعالارعا قاتىستى مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ اكتىسىن جاساۋ;
18) ءتيىستى اكىمشىلىك-اۋماقتىق بىرلىكتىڭ اۋماعىندا جانۋارلاردىڭ ەنزووتيالىق اۋرۋلارى بويىنشا ۆەتەريناريالىق ءىس-شارالار وتكىزۋدى ۇيىمداستىرۋ;
19) ۋاكىلەتتى ورگان بەكىتەتىن تىزبە بويىنشا جانۋارلاردىڭ اسا قاۋىپتى اۋرۋلارىنىڭ, سونداي-اق جانۋارلاردىڭ باسقا دا اۋرۋلارىنىڭ پروفيلاكتيكاسى, بيولوگيالىق ماتەريال سىنامالارىن الۋ جانە ولاردى دياگنوستيكالاۋ ءۇشىن جەتكىزۋ بويىنشا ۆەتەريناريالىق ءىس-شارالاردىڭ جۇرگىزىلۋىن ۇيىمداستىرۋ;
20) اۋىل شارۋاشىلىعى جانۋارلارىن بىردەيلەندىرۋ, اۋىل شارۋاشىلىعى جانۋارلارىن بىردەيلەندىرۋ جونىندەگى دەرەكقوردى جۇرگىزۋ بويىنشا ءىس-شارالار وتكىزۋدى ۇيىمداستىرۋ;
21) اۋىل شارۋاشىلىعى جانۋارلارىن بىردەيلەندىرۋدى جۇرگىزۋ ءۇشىن بۇيىمدارعا (قۇرالدارعا) جانە اتريبۋتتارعا قاجەتتىلىكتى ايقىنداۋ جانە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنا اقپارات بەرۋ;
22) ۆەتەريناريالىق ەسەپكە الۋ مەن ەسەپتىلىكتى جيناقتاۋ, تالداۋ جانە ولاردى وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنا ۇسىنۋ;
23) وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنا جانۋارلاردىڭ جۇقپالى جانە جۇقپالى ەمەس اۋرۋلارىنىڭ پروفيلاكتيكاسى بويىنشا ۆەتەريناريالىق ءىس-شارالار جونىندە ۇسىنىستار ەنگىزۋ;
24) وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنا پروفيلاكتيكاسى مەن دياگنوستيكاسى بيۋدجەت قاراجاتى ەسەبىنەن جۇزەگە اسىرىلاتىن جانۋارلاردىڭ ەنزووتيالىق اۋرۋلارىنىڭ تىزبەسى جونىندە ۇسىنىستار ەنگىزۋ;
25) ۆەتەريناريالىق پرەپاراتتاردىڭ رەسپۋبليكالىق قورىن قوسپاعاندا, بيۋدجەت قاراجاتى ەسەبىنەن ساتىپ الىنعان ۆەتەريناريالىق پرەپاراتتاردى ساقتاۋدى ۇيىمداستىرۋ;
26) وبلىستىڭ جەرگىلىكتى اتقارۋشى ورگانىنا ءتيىستى اكىمشىلىك-اۋماقتىق بىرلىكتىڭ اۋماعىندا ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جونىندەگى ۆەتەريناريالىق ءىس-شارالار تۋرالى ۇسىنىستار ەنگىزۋ;
27) ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن جەكە جانە زاڭدى تۇلعالاردى اتتەستاتتاۋدى جۇرگىزۋدى قامتاماسىز ەتۋ;
28) اۋرۋ جانۋارلاردى سانيتاريالىق سويۋدى ۇيىمداستىرۋ;
29) «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا سايكەس جەكە جانە زاڭدى تۇلعالاردان ۆەتەريناريا سالاسىنداعى كاسىپكەرلىك قىزمەتتى جۇزەگە اسىرۋدىڭ باستالعانى نەمەسە توقتاتىلعانى تۋرالى حابارلامالار قابىلداۋ, سونداي-اق رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ.
4. نەگىزگى قۇقىقتارى
12. جاو بولىمشەلەرى:
1) وزىنە جۇكتەلگەن مىندەتتەردى جۇزەگە اسىرۋ ءۇشىن ۆەتەريناريا سالاسىنداعى ۋاكىلەتتى مەملەكەتتىك ورگاننان جانە وزگە ۇيىمداردان قاجەتتى اقپاراتتى سۇراتۋعا جانە الۋعا;
2) جانۋارلاردان الىناتىن ونىمدەر مەن شيكىزاتقا ۆەتەريناريالىق-سانيتاريالىق ساراپتاما جۇرگىزۋدى جۇزەگە اسىراتىن جەكە جانە زاڭدى تۇلعالاردىڭ ليتسەنزيالارىن «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىندا كوزدەلگەن تارتىپپەن توقتاتۋ تۋرالى ۇسىنىس شىعارۋعا نەمەسە قايتارىپ الۋعا باستاماشى بولۋعا;
3) زاڭمەن كوزدەلگەن وزگە دە قۇقىقتار مەن مىندەتتەردى جۇزەگە اسىرۋعا قۇقىلى.
5. جاو بولىمشەلەرىنىڭ قىزمەتىن ۇيىمداستىرۋ
13. جاو بولىمشەسى قازاقستان رەسپۋبليكاسىنىڭ زاڭنامالىق اكتىلەرىنە, پرەزيدەنتىنىڭ اكتىلەرىنە, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس ءوزىنىڭ نەگىزگى مىندەتتەرى مەن فۋنكتسيالارىن ىسكە اسىرۋ ءۇشىن قاجەتتى وكىلەتتىكتەردى يەلەنەدى.
14. جاو بولىمشەسىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قىزمەتكە تاعايىندالاتىن جانە قىزمەتتەن بوساتىلاتىن باسشى باسقارادى.
15. قازاقستان رەسپۋبليكاسىنىڭ زاڭناماسىندا بەلگىلەنگەن جاعدايلاردا جاو بولىمشەسى باسشىسىنىڭ ورىنباسارى (ورىنباسارلارى) بولادى.
16. جاو بولىمشەسىنىڭ باسشىسى قۇرىلىمدىق بولىمشەنىڭ قىزمەتىنە جالپى باسشىلىقتى جۇزەگە اسىرادى جانە جاو بولىمشەسىنە جۇكتەلگەن مىندەتتەردىڭ ورىندالۋى مەن ونىڭ ءوز فۋنكتسيالارىن جۇزەگە اسىرۋى ءۇشىن دەربەس جاۋاپتى بولادى.
17. جاو بولىمشە باسشىسى مەملەكەتتىك ورگاننىڭ باسشىسىنا قۇرىلىمدىق بولىمشەنىڭ قۇرىلىمى مەن شتاتتىق كەستەسى بويىنشا ۇسىنىستار بەرەدى.
18. باسشى وسى ماقساتتا:
1) ءوزىنىڭ ورىنباسارى (ورىنباسارلارى) بولعان جاعدايدا, ولاردىڭ مىندەتتەرى مەن وكىلەتتىكتەرىن ايقىندايدى;
2) جاو بولىمشەسىنىڭ قۇرامىنا كىرەتىن قۇرىلىمدىق بولىمشەلەر بولعان جاعدايدا باسشىلارىنىڭ مىندەتتەرى مەن وكىلەتتىكتەرىن ايقىندايدى;
3) قازاقستان رەسپۋبليكاسىنىڭ زاڭدارىنا جانە پرەزيدەنتىنىڭ اكتىلەرىنە سايكەس وزگە دە وكىلەتتىكتەردى جۇزەگە اسىرادى.
19. جاو بولىمشەسى باسشىسىنىڭ ورىنباسارى (ورىنباسارلارى):
1) ءوز وكىلەتتىكتەرى شەڭبەرىندە قۇرىلىمدىق بولىمشەنىڭ قىزمەتىن ۇلەستىرەدى;
2) جاو بولىمشەسىنىڭ باسشىسى بولماعان كەزدە قۇرىلىمدىق بولىمشەگە جالپى باسشىلىقتى جۇزەگە اسىرادى جانە قۇرىلىمدىق بولىمشەگە جۇكتەلگەن مىندەتتەردى ورىنداۋعا جانە ءوز فۋنكتسيالارىن جۇزەگە اسىرۋعا دەربەس جاۋاپتى بولادى;
3) جاو بولىمشەسىنىڭ باسشىلىعى جۇكتەگەن وزگە دە فۋنكتسيالاردى جۇزەگە اسىرادى.
20. جاو بولىمشەسىنىڭ قۇزىرەتىنە كىرەتىن ماسەلەلەر بويىنشا جاو بولىمشەسى اتىنان باسقا قۇرىلىمدىق بولىمشەلەرگە جىبەرىلەتىن قۇجاتتارعا جاو بولىمشە باسشىسى, ال ول بولماعان جاعدايدا ونى الماستىراتىن ادام قول قويادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11699 بولىپ ەنگىزىلدى.
• 28 مامىر, 2016
قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №7-1/273
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
